«Білімнің кілті – мектепте» атты зияткерлік сайысы

Астана қаласы №49 орта мектебінің 10 жылдық мерейтойына байланысты «Білімнің кілті – мектепте» атты зияткерлік сайысы

Өткізілген күні: 15.01.2015 ж

Өткізілу нысаны: зияткерлік ойын сайысы

Мақсаты: Оқушыларға №49 орта мектеп туралы мәлімет бере отырып, қызықты ойын арқылы логикалық ойлау қабілетін, ой ұшқырлығын, қызығушылығын арттыру.

Қатысқан оқушылар: 7 сынып оқушылары

Ойынға 3 топ қатысты. Ойын барысы 5 бөліктен тұрды. Таныстыру – оқушылар топтарыныі аты мен ұрандарымен танстырды, «Білімді бірді жығады, білекті мыңды жағады» атты сұрақ -  жауап сайысы, «Ой қозғау» логикалық есептер, «Ұйқасын тап» өлең жолдары мен мақал – мәтелді жалғастыру, «Кім жылдам?» топбасшы сайысы, «Менің мектебім, болашақта...» оқушы көзімен постер қорғау.

Ойын қызықты өтті, оқушылардың ойлау кабілеттерінің жоғарлығы бірден байқалды, 2-ші сайыста оқушыларға мектептің тарихы туралы бірнеше сұрақтар қойылды. Мектеп директоры кім? Неше мектеп директоры ауысты, аты –жөндері кім? Мектептің мекен жайы? Ұлттық таным кабинеті қай қабатта? Мектеп неше оқушыға арналып салынған? Мектептің алғаш кілтін алған кім? Деген және тағы сол сияқты сұрақтар қойылды. Логикалық есептерде оқушылар өздеріні жауаптарын толық қорғап, алып шықты. «Алтын ұя мектебім аялаған, Бар балаға білім беріп (сая болған)» ұйқасын тап атты сайыста оқушылардың шығармашылық қабілеттері байқалып қалды.  Топбасшы сайысында топбасылар өздерінің шапшаңдығы мен білімдеріне сүйене отырып, өз ойларын ашық жеткізді. Соңғы сайыс шығармашылық сайыс болды. Оқушылардың мектебіміздің электронды оқуға көшуі туралы, сабақты ғаламтор арқылы оқу туралы, мектепке келгенде карточка арқылы кіріп, шығып отырылуын ұсынып, өз постерлерін қорғады.  Әр топтың жиналған ұпай сандары қосылып, жеңімпаздар анықталды.

Жауапты математика пәнінің мұғалімдері:

Искакова З.Х., Смаелова А,Т,. Абуова Г.Б.

Оқушылар өз топтарының аты мен ұранын қорғау кезінде

Посмотреть новость на сайте учреждения

Вернуться к списку новостей

Комментарии