12.12.14 күні Астана қаласындағы №59 мектеп-лицейінде ҚР Тәуелсіздігінің 23 жылдығына, сондай-ақ Қазақстан Республикасының Президенті Н.Назарбаевтың «Нұрлы жол — болашаққа бастар жол» Жолдауына орай ұйымдастырылып отырған «Жасасын, Қазақстан!» атты салтанатты кездесу ұйымдастырылды. Кездесуга ҰОС ардагерлері мен ауған соғысының ардагерлері, әкелер кеңесінің мүшелері қатысты. Кездесудің құрметті қонағы Қазақстан Республикасы Парламенті Мәжілісінің депутаты, республикалық ардагерлер ұйымдарының үйлестіру кеңесінің төрағасы, Халық қаһарманы, генерал-лейтенант Бақытжан Ертаев Елбасы Жолдауының басым бағыттарының бірі – «Мәңгілік ел» ұландарын тәрбиелеу екендігін айта келе егеменді елдің ертеңі болатын жас ұрпаққа ақжол тіледі. Кездесу барысында оқушылар Халық қаһарманына сұрақтар қойып, өз ойларымен бөлісті.
