Менің Мәскеуге сапарым!

Мен №48 мектеп-лицейдің 2 «В» сынып оқушысы Серікбай Нұрасылмын. Мектебімізде Мәскеу Мемлекеттік Университетінің ұйымдастыруымен математикалық олимпиада өтті. Осы олимпиадада II орынға ие болып, Мәскеу қаласына барудың сәті түсті. Мұнда ең қызығы Күзгі Ғылыми Мектепте физика, биология, конструктрлеу, программалау сияқты сабақтар жүргізілді. Соңында осы сабақтар бойынша олимпиада өтті. Жақсы жетістікке жетіп дипломға ие болдым.

Қызыл алаңға барып, Кремльді көрдім. Алдыма мақсат қойып, ырымдап тиын тастадым. Ендігі арманым Лондон қаласындағы олимпиадаға қатыссам деп едім...

Осы жетістігімнің бәрі ата-анам мен сүйікті ұстазым Маржан апайдың еңбегінің жемісі деп білемін. Болашақта алтын ұя мектебімнің абыройын асқақтатып, мәртебесін көтеремін деп сенім білдіремін.