«Нұрлы жол» жаңа экономикалық саясаты - Қазақстанның әлемнің озық отыз елінің қатарына енуге бағытталған қарышты қадамы. Бүгін «Нұр Отан» партиясы Саяси кеңесінің кеңейтілген отырысынан кейін Қазақстан халқына арнаған Жолдауында ҚР Президенті Н. Назарбаев осылай мәлім етті. 

«Бүгінгі күні табысты жұмыс істеуіміз үшін барлық жағдай жасалды. Әкімшілік реформалар жүзеге асты, Үкіметтің жаңа құрылымы жұмысты жалғастыруда.  Әр министр өзінің не істейтіні жақсы біледі. Біз басқару буынында бірін бірі қайталауды болдырмайтындай қадамға бардық. Әкімдер де, министрлер де қажетті өкілеттіктерге ие болды, ең бастысы өңірлерде бәрі бар - бағдарлама да, ресурстар да, қаржы да. Ендеше әркім өзінің жұмысына жауап беруі керек. Тек екі қолды сыбанып, іске кіріселік», - деді Н. Назарбаев.

Бұдан бөлек, Елбасы «Нұрлы жол» жаңа экономикалық саясаттың жаһандық дағдарысты жылдардың өзінде Қазақстанның экономикасын өсіретін қозғалтқышы болатынына сенім білдірді. Президенттің сөзіне қарағанда, тек жолдарды салудың арқасында жол құрылыстарының өзінен-ақ жаңа 200 мың жұмыс орны ашылмақ. Бұның өзі жұмыспен қамтушылықты, халықтың табысының артатынын білдіреді. 

Чтобы оставлять комментарии авторизуйтесь