«Күзгі бал» мектепішілік байқауы өткізілді.

2014 жылдың 31 қазанында алтын күздің әдемі шағында Астана қаласы №38 мектеп-лицейінде «Жас ұлан» ұйымының ұйымдастыруымен «Күзгі бал» мектепішілік байқауы өткізілді. Байқауға 9-10 сынып оқушылары төмендегі бөлімдері бойынша өз өнерлерін ортаға салды.

- Күзгі ханзада мен ханшайым;

- Өз қиялынан (дефиле) қолдан киім үлгісін көрсету;

- «Үздік сынып» флешмоб сайысы.

Байқау барысы тартысты басталып жоғарғы сынып оқушылары асқан шеберлікпен өнер көрсетті. Қорытынды есебі бойынша 9 «Ә» сынып оқушылары Күз ханшайымы Айдана, күз ханзадасы Балабек деп танылды. «Үйлесімді жұп» номинациясына 10 «Б» сынып оқушылары Айжан мен Сұлтан марапатталды. Ал ең «Үздік сынып» флешмоб бөлімінде 11 сынып түлектерінің таңдауымен 10 «Ә» сынып оқушылары анықталды.