ҚР ҚК әскери полиция органдарының құрылғанына 21 жыл толу қарсаңында Ақмола өңірлік гарнизоны әскери полиция жасағы, «Жас сарбаз» клубының тәрбиеленушілерімен Ашық есік күнін өткізді.
Елбасымыз – Қарулы Күштердің Жоғарғы Бас қолбасшысының «Болашаққа бағдар: Рухани жаңғыру» қоғамдық сананы жаңғырту туралы бағдарламасына сәйкес, жасаққа әскери-патриоттық клубының тәрбиеленушілері келді. Олар Елордалық №34 және №23 орта мектеп оқушылары.
Қазіргі таңда жастарды отансүйгіштікке тәрбиелеу, олардың адамгершілік, ізгілік құндылықтарын қалыптастыруға үлкен көңіл бөлінуде. Жастарға батырлардың ерлік мұрасын дәріптеу негізінде ҚР ҚК әскери полиция органдарының құрылу тарихы туралы насихаттау жұмысы жүргізілді. Сонымен қатар, оқушылар әскери техника мен қару-жарақ түрлері мен әскери арнайы киім үлгілерін көрді.
Ал кинологтар болса қызметтік иттердің қатысуымен түрлі көріністерді тарту етті. Әскери-патриоттық үйірменің қатысушылары алған әсерлерін жеткізіп, алғыстарын айтып жатты.
Іс-шараның қорытындысы бойынша «Жас сарбаз» клубының мүшелері арнайы куәліктер алып, керемет көңіл-күймен үйлеріне оралды.
.jpg)
-.jpg)
