2019 жылғы 10 қаңтар күні Алматы қаласында «Бөбек» ұлттық ғылыми-практикалық , білім беру және сауықтыру орталығына № 68 мектеп-гимназиясынан 4 сынып оқушылары жолдама алды. Түсіпбек Нұрали , Абдумамонова Толғанай , Аманкелді Дария , Міралбай Нұрасыл , Сарсенгалиева Айгерим. Оқушылар бір ай көлемінді өздерінің алған әсерлерімен бөлісті.
Аманкелді Дария: «Бөбек» оқу-сауықтыру орталығындағы демалыс қызыққа толы болды. Күніміз таңғы жаттығумен басталады,таңғы ас мәзіріміздің құрамында тек денсаулықа пайдалы тағамдар берілді. Содан соң «Шаттық» шеңберіне тұрып бәріміз «сәлем» деп амандасып, кейін ұстаздарымыз бізге тілек айтты. Күнделікті сабақ оқып , білімізді шыңдадық. «Айгөлек» байқауына қатысып , өнерімді көрсетіп , жүлделі орынға ие болдым. Бөбекте өткен әр күннің қызықты болғанын қуанышпен жеткіземін. Ең бастысы бойыма бес құндылықты сіңірдім. Тек ақиқатты айтуды , барлығына сүйіспеншілікпен қарауды, дұрыс әрекет жасауды , ешкімге қиянат жасамауды және ішкі тыныштықты сақтауды. Мен көп достар таптым. Қызықты демалысты ұйымдастырған аға-әпкелеріме рақмет айтамын, деп өз ойымен бөлісті.
Абдумамонова Толғанай: Мен ең бірінші күні барғанда үйрене алмадым. Бірақ апайлар мен ағайлар жүздері жылы , әр қашанда көңілді жүздерімен , бізді бірден өздеріне баурап алды. Біз Алматыдағы ең танымал «Алатау» кинотеатрде «Қарлы ханшайым» мульфильмін тамашаладық. Ұлттық мұражайларға экскурсия жасадық. С. Бегалин атындағы балалар кітапханасына барып , қызықты әңгімелер оқыдық. Бөбектегі менің ең жақсы досым Зере мен Нұрбақыт .Олар менің жүрегімде қалды. «Бөбек» оқу-сауықтыру орталығындағы демалысқа жолдама берген барлық апайлар мен ағайларға ризашылығымды білдіремін, деп қуана демалыс күндерін есіне алды.
Жаңалықты мекеменің сайтында қарау
Помогаем, советуем, предлогаем как лучше всего заполнить сайт
Официальное сообщество школы-гимназии №3 города Астаны
Профессиональное сообщество учителей школы-гимназии №30 "Флагман"