Жаңалықтар

Ішімдікке қарсы іс-шаралар

«Өмір өлшемі-салауаттық, салауаттық-өмір заңы» демекші салауатты өмір салтын насихаттау, ұлт болашағы проблемаларын жеткізу мақсатында 29 қаңтар күні ШЖҚ МКК №13 қалалық емхана дәрігері Ботагоз Ганиевна 5-11 сыныптар арасында дәріс оқыды. Дәрістің тақырыбы «Ішімдіктің адам ағзасына зияны» болды. Оқушылар жасқанбай өздерін толғандырып жүрген, түсінбейтін жайттарды сұрап, кеңес алды. Адам баласының жарасымды тұрмыс құрып, үйлесімді дамуы үшін біздің елде барлық жағдай жасалған. Мазмұнды жеткізілген дәріс әр оқушыға ой салып, дұрыс өмір сүру салтына көшуге әсер ететіні сөзсіз. Салауатты өмір салтын қалыптастырып, жарқын болашаққа нық қадам жасауымыз керек. Сонда ғана еліміз үшін алынбайтын асу қалмайды.