Жаңалықтар

Директорларының тәрбие ісі жөніндегі орынбасарлары мен білім ұйымдарының дене шынықтыру пәнінің мұғалімдері үшін кеңес өткізді

Астана қаласының Білім басқармасы 2014 жылғы 22 қаңтарда №70 мектеп-лицейде мектеп директорларының тәрбие ісі жөніндегі орынбасарлары мен білім ұйымдарының дене шынықтыру пәнінің мұғалімдері үшін кеңес өткізді, онда оқушыларды мектептің спорт секциялары мен балалар-жасөспірімдер спорт мектептеріне қамту мәселесі талқыланды.
Білім басқармасы басшысының орынбасары Қ.Сенғазыев жиналғандардың назарын аталған бағыттағы жұмыстың өзектілігіне аударды. Оқушылардың денсаулығы олардың дене белсенділігіне байланысты екені атап өтілді. Жасөспірімдерді спортпен шұғылдануға баулу құқық бұзушылықтың алдын алу көрсеткішіне әсер етеді.
Білім ұйымдары басшыларының тәрбие ісі жөніндегі орынбасарларына мектеп оқушыларын спорт секцияларына қамтуды және бұқаралық спорт шараларының сапасын одан әрі арттыру жөнінде нақты тапсырма берілді.