Жаңалықтар

Дәстүрлі жеңіс

  2014 жылдың қаңтар айының 15-18 аралығында Алматы қаласында математика, физика және информатика пәндері бойынша оқушылар арасындағы жүзден жүйріктерді анықтайтын Халықаралық Жәутіков атындағы олимпиадасы өткізілді. Биыл оныншы  рет ұйымдастырылып отырған білім сайысына 17 елден 59 құрама қатысып, 390 оқушы өз бақтарын сынады. Бұл сайысқа Астана қаласы дарынды ер балаларға арналған қазақ-түрік лицейінен 7 оқушы қатысып, нәтижесінде 11- сынып оқушысы Алтынханов Қуандық  алтыннан алқа тақты, 10-сынып оқушысы Еркенұлы Әлімжан  -күміс,  11-сынып оқушылары Сарқыт Назарбек, Смагулов Айбек,Абдураззаков Ержан  қола медалды қанжығаларына байлады. Бұл – Астана үшін үлкен жетістік.Жеңімпаз оқушыларды құттықтай отырып, Қазақстанның Жалауын талай білім сайыстарында желбірететіндеріне сенім білдіреміз!

  Астана қаласында  жалпы білім беретін пәндер бойынша республикалық олимпиаданың қалалық кезеңі қаңтардың 8-9 күндері болды.Біздің дарынды ер балаларға арналған қазақ-түрік лицейінен қалалық  олимпиадаға биыл 78 оқушы қатысып, 39 жүлделі орындарға ие болды. Атап айтқанда, І-орын -10, ІІ орын- 14, ІІІ-орын-15.Барлық жүлденің 17-сі математика мұғалімі Муаммер Гүл баптаған  шәкірттерге тиесілі.Информатика, химия, биология пәндері құр алақан емес.

  «Астана дарыны» ұйымдастырған «Жұлдызды олимп -2014» кешінде  «Үздік олимпиадалық команда»грамотасымен марапатталып, І орынға шықты. Қажымай еңбек еткен ұстаздар мен дарынды оқушыларымыз  6 жыл қатарынан қанжығаларына байлап  жүрген  қалалық  «Олимп» кубогын биыл тағы да жеңіп алды.Оқушыларымыз бен ұстаздарымызға алдағы білім додаларында сәттілік тілейміз!

Директордың бейіндік оқыту
ісі жөніндегі орынбасары
Гүлназ Мінтайқызы

Жаңалықты мекеменің сайтында қарау

Жаңалықтар тізіміне көшу

Пікірлер