«Отаным - деп, шырқаймын» патриоттық әндердің IX фестиваль - байқауы
Өткізілетін күні: 13.12.2013 ж
Өткізілетін уақыты: 9.30
Өткізілетін орны: № 54 мектеп - лицейі
Қатысушылар: Астана қаласының жалпы білім беретін мектептерінің 2-9 сынып оқушылары
2013 жылдың 13- ші желтоқсанында Қазақстан Республикасының Тәуелсіздік Күнін атап өту қарсаңында Астана қаласы жалпы білім беретін мектептерінің 2- 9 сынып оқушылары арасында «Отаным - деп, шырқаймын» /туған өлке туралы әндердің эстрадалық орындалуы/ патриоттық әндердің IX қалалық фестиваль байқауы өткізіледі. Байқау - фестиваль музыка өнерінің құралдары арқылы жеке тұлғаны жан - жақты дамыту және рухани - өнегелі қалыптастыру, қазақстандық патриотизмге тәрбиелеу мақсатында өткізіледі.
Негізгі міндеті:
• Отанға деген махаббатын ояту, вокал өнеріне және халық дәстүрін құрметтеуге баулу;
• талантты балаларды анықтау және қолдау көрсету;
• жас орындаушыларды Қазақстан сазгерлерінің үздік ән- вокал орындаушыларына баулу;
• сахналық, вокалдық мәдениетті дамыту.
IX қалалық «Отаным – деп, шырқаймын» фестиваль – байқауының ұйымдастырушылары – Астана қаласының Білім басқармасы және № 3 Балалар музыка мектебі.
Қазылар алқасы :
- Малиновская М.В – № 3 БММ - нің вокал бөлімінің меңгерушісі;
- Минайдарова Г.А - Астана қаласының гуманитарлық колледжінің музыкалық бөлімі вокал пәнінің оқытушысы;
- Оразбекова Г.А - Астана қаласының гуманитарлық колледжінің музыкалық бөлімі вокал пәнінің оқытушысы
Құзырлы қазылар алқасы қатысушылардың өнерін келесі шарттарға негізделіп бағалайды: Әртістігі, сахналық шеберлігі, орындауға шығармашылықпен қарауы және жоғары сахналық мәдениеті.
Байқаудың жеңімпаздары 1, 2, 3-ші орындарымен және номинация бойынша мадақтамалармен марапатталады.
«Отаным – деп, шырқаймын» IX қалалық фестиваль - байқауы Астананың музыкалық өмірінде ұмтылмас оқиға!
Жаңалықты мекеменің сайтында қарау
Жаңалықтар тізіміне көшу
Пікірлер
