Жаңалықтар

«Нашақорлық- ғасыр дерті»

12 желтоқсан күні №48 мектеп-лицейде «Астана- есірткісіз қала» бағдарламасы бойынша 9-11 сыныптар арасында оқушыларды зиянды әдеттерден қорғау, алдын-алу шараларын ұйымдастыру мақсатында нарколог-дәрігер Қойшыбеков Тоқтар Төлеуханұлымен кездесу өтті. Лекция барысында оқушыларға темекінің, алкогольдің, нашақорлықтың, электронды темекінің зияны туралы мәліметтер айтып, нашақорлыққа байланысты бейнефильмдер көрсетілді. Мақсаты: есірткі түрлерімен таныстыру, электронды темекі, нашақорлық және есірткінің зияны туралы айту, олардың алдын алу болды.

«Астана-есірткісіз қала» бағдарламасы бойынша өткізілген жиынның ең басты мақсаты- салауатты өмір салтын қалыптастыру, өз өміріне жауапкершілікпен қарауға дағдыландыру болды. Лекция барысында оқушылар сұрақтар қойды, қойылған сұрақтардың деңгейі өте жоғары болды. Астана қаласында нашақорлықтың кең етек алуы туралы да айтылды. Өткізілген лекцияның болашақта оқушылардың өз өмір жолдарын дұрыс таңдауына, мақсатына жете білуіне ықпалы болады деген сенімдеміз.