Бүгін мектебімізде денсаулық күніне орай спорттық іс-шаралар ұйымдастырылды. Шараның өткізілуіне мектеп оқушылары мен ата-аналар және ұстаздар қатысты. Мектеп директорының тәрбие ісі жөніндегі орынбасары Шабкенова Самал Жамалиқызы сөз сөйлеп, барлық мектеп оқушыларын осы айтулы күнмен құттықтады. Оқушылар және ата-аналар бағдарламамен танысып, мұғалімдермен бірге бойды сергітетін жаттығулар жасады. Дене шынықтыру мұғалімдері 5-6 сыныптар арасында флэшмоб өткізді. 7-11 сыныптың ұлдары футболдан, қыздары тоғызқұмалақтан жарысқа түсті.