! Сегодня

Жаңалықтар

«Балауса» лагері

Жаздың шуақты күндерімен бірге балалар лагерьлері де өз жұмыстарын бастады. Жазғы демалыс маусымы — балалар үшін ерекше қуанышты сәт. Балалардың демалысын тиімді өткізу және оларды лагерьмен қамту жыл сайын дәстүрге айналған шара.

«Балауса» лагері өзінің алдына міндеттер мен мақсаттарын белгілеп, бағдарлама негізінде жұмыс жоспарлары жасалынды.

І ауысым мамырдың 29-нан маусымның 9-на дейін «Балауса» атты жазғы мектеп жанындағы лагерь өз жұмысын бастады. Лагерьдің жұмыс уақыты 8:30-ден 14:30-ге дейін .

«Балауса» лагерінің ашылуы лагердің жоспарының таныстырылуымен басталды, әр күннің жоспары ақпарат бұрышында көрсетіліп отырды.

Іс - шараларды ұйымдастыруына сәйкес «Балауса» лагері өз қызметіне мына бағыттағы іс - шараларды атқарды.

Салауатты өмір қалыптастыру бағытындатаңғы жаттығулар, спорттық ойындар, қозғалыс ойындары, эстафета, марафон, арқан тартыс, жағажайға бару, суға шомылу ұйымдастырылды.

Рухани-адамгершілік бағытында: оригами сайысы, менталды арифметика, кино тамашалау, көрме ұйымдастыру, асфальтта суреттер сайысы, оқушылардың өнерін тамашалау және флешмоб сайыстары өткізілді

Азаматтық - патриоттық және ұлттық тәрбие бағытында: сап түзеу, суреттер сайысы, ЕХРО туралы фильм тамашалуЕХРО -2017 көрмесін ұйымдастыру.

Лингвистикалық бағытында үйірме сабақтары мен сайыстар, «FunnyEnglish» арнайы лингвистикалық топ жұмыс атқарды. Лингвистикалық топта ағылшын тілінде сөйлеп, күнделікті демалыс ұйымдастырылды.

- Экологиялық бағытында сыныптарда жасыл бұрыш ұйымдастырылды, табиғи ресурстарды үнемдеу шаралары жүргізілді, экологиялық десант пен жасыл жол акциялары жүргізілді. Экологиялық тазалық пен ЕХРО-2017 -ге арналған көрме жасалды.

Оқушылардың демалысын қызықты өткізу мақсатында әр күн ерекше, қызықты тақырыптарға байланысты іс - шаралар жан-жақты ұйымдастырылды.

10 топтың сауықтыру кабинеттері дайындалды, тәрбиешілермен өрт қауіпсіздігі туралы нұсқаулық жүргізілді.

«Көгершін» тобының бөлмелесі кабинеттер сайысында І орынға ие болды.